Алматы облысы «Еңбекшіқазақ ауданының халықты жұмыспен қамту орталығы» коммуналдық мемлекеттік мекемесінің басшысы 13 миллион теңгеге жуық ақшаны ұрлады деп күдіктенуде. Бұл туралы Сыбайлас жемқорлыққа қарсы ведомстваның басшысы Қуаныш Жапақов хабарлады.
«Еңбекшіқазақ ауданының халықты жұмыспен қамту орталығы» КММ басшысы 12,9 миллион теңге сомасында бюджет қаражатын жымқырды деген күдікпен «Еңбек «2017-2021 жылдарға арналған Нәтижелі жұмыспен қамтуды және жаппай кәсіпкерлікті дамыту» мемлекеттік бағдарламасы шеңберінде бөлінген жұмыссыз азаматтарды жалған жұмысқа орналастырғаны үшін шаруа қожалықтарының шотына аудару жолымен сотқа дейінгі тергеу жүргізілуде», — деді ол.
Сыбайлас жемқорлыққа қарсы ведомство Талғар ауданы Бесқайнар ауылдық округінің әкіміне қатысты қылмыстық іс қозғады.
Сыбайлас жемқорлыққа қарсы іс-қимыл департаменті Алматы облысы Талғар ауданы Панфилов ауылдық округінің бұрынғы әкіміне қатысты сотқа дейінгі тергеуді бастады.
Сурет: sputniknews.kz
