Алматы әкімі Бақытжан Сағынтаев өзінің Instagram-аккаунтында жасанды интеллектті қолданудың артықшылықтары туралы айтты, деп хабарлайды zakon.kz жаңалықтар порталы.
Оның айтуынша, сандандыру — заңсыз қызметпен күресудің ең тиімді жолы. 2019-2020 жылдар аралығында қалада 1000-нан астам бейнебақылау камералары орнатылды, сондай-ақ жұмыс істеп тұрған 100-ден астам аналогтық камералар цифрлық форматқа ауыстырылды. ЖП жедел басқару орталығы жаңартылып, жаңа мониторинг орталығы құрылды.
«Қоғамдық қауіпсіздікті тиімді қамтамасыз ету және ең бастысы, құқық бұзушылықтың алдын алу үшін жаппай жиналатын орындарға бейнемониторинг жобасын енгізудеміз», — деп толықтырды мемлекеттік биліктің жергілікті атқарушы органының басшысы.
Заманауи технологиялар қылмыскерлерді белгілері бойынша анықтауға, көліктерді, қалдырылған заттарды табуға, сондай-ақ жеке меншікке заңсыз кіру әрекеттерінің жолын кесуге мүмкіндік береді. Болашақта камералар санын 4000-ға дейін арттыру жоспарланып отыр, бұл қаланың қоғамдық кеңістігін толығымен қамтуға мүмкіндік береді.
«Барлық автобустарда орнатылған бейнекамералардың арқасында қалта ұрлығы 2 еседен астамға азайды. Қоғамдық көлікте ұрлық жасаған 85 қылмыстық топ әшкереленді», — деп атап өтті мегаполис әкімі.
Сондай-ақ, ол барлық бақылау жүйелерінің дерекқорларын біріктіру және жасанды интеллекті интеграциялау қаладағы қылмысты едәуір азайтуға мүмкіндік беретінін атап өтті.
Сурет: pxhere.com
