Алматыдағы блокпосталар карантиндік режим тоқтатылмайынша алып тасталмайды. Бұл туралы Қала әкімінің орынбасары Сапарбек Тұяқбаев хабарлады.
“Біз тағы да блокпостар әлі алынбайтынын, карантиннің соңына дейін сақтаймыз, себебі бұл карантиннің ең басты шарты. Сондықтан да кәсіпкерлер облыста тұратын қызметкерлерге сенім артпауыңызды өтінеміз. Әзірге бұл жұмысқа қала тұрғындарын тарту керек”, – деді ол.
Тұяқбаев атап өткендей, қазір қызметкерлерді жедел қайта даярлау бағдарламасы іске қосылуда.
“Сондықтан үш секторда, атап айтқанда – сауда және қызмет көрсету, құрылыс, сондай-ақ өнеркәсіп, жеке компаниялармен бірлесе отырып, кадрларды қайта даярлауды жүзеге асыратын боламыз. Егер кадрлардың жетіспеуінде мәселелер болса, бізге хабарласыңыз, әрбір фактіні зерттеп, сіз үшін кадрлар даярлайтын боламыз. Қалада жұмыссыздар аз емес”, – деді Тұяқбаев.
Оның айтуынша, 394 кәсіпорынның 306-і мақұлданып отыр.
“Бірінші кезең аясында бізде құрылыс және өндіріс саласындағы нысандар болды. Олар негізінен ірі болды. Біз үлгердік. Ертеңнен бастап біз қызмет секторларынан өтініштердің жаппай түсуін күтеміз. Біз таяу аптада 72 мың кәсіпорынды қамтуды жоспарлап отырмыз, бұл негізінен орта және шағын бизнесті, сондай-ақ микробизнес бар. Біз барлық ресурстарды жұмылдырдық және барлық аудитті уақытында қамтитын боламыз деп үміттенеміз”, – деп атап өтті әкім орынбасары.
Сурет: kaztag.kz
