Біздің республикамыздың Қауіпсіздік Кеңесі аппараттарында өрт және өнеркәсіптік қауіпсіздікті қамтамасыз ету мәселелері талқыланған жиналыс өтті, деп хабарлайды «ҚазАқпарат» ақпарат агенттігі.
Отырысқа өрт және өнеркәсіптік қауіпсіздікті қамтамасыз етуге жауапты мемлекеттік органдардың өкілдері шақырылды.
Кездесу барысында жауапты адамдарға қауіпті химиялық заттардың айналымына қатысы бар жоғары қауіпті нысандарда өрт және өнеркәсіптік қауіпсіздікті қамтамасыз етуге бағытталған шаралар қабылдау тапсырылды.
Сондай-ақ, республиканың Қауіпсіздік Кеңесінің өкілдері медициналық мекемелерде және тұрмыстық қатты қалдықтар полигондарында өрт қауіпсіздігін нығайтудың маңыздылығын айтты.
Сонымен қатар, уәкілетті органдарға халық көп жиналатын жерлерде өрт қауіпсіздігін күшейту жөнінде шаралар қабылдау тапсырылды.
Өткен сенбі, 15 тамызда Алматы қаласындағы кардиологиялық орталықтың аумағында өрт орын алып, нәтижесінде оттегі толтырылған баллондардың жарылуына себеп болды. Оқиға салдарынан медициналық мекеме қызметкерлерінің бірі қайтыс болды.
