ҚР ҚК Бас штабының комиссиясы жауынгерлік даярлық департаментінің бастығы полковник Қанат Қазизовтың басшылығымен Алматы десанттық-шабуыл әскерлері бригадасының жеке құрамы 2020 жылға арналған жауынгерлік әзірлікке кезекті тексеруден өткенін қадағалады.
Тексерілетін пәндердің ішінде-атыс, тактикалық, арнайы даярлық, жауынгерлік машиналарды жүргізу, әскери топография, инженерлік, физикалық және саптық даярлық бар. Бұдан басқа, тексеру барысында қару-жарақ пен әскери техниканың жай-күйі, бағынысты құрамалардағы жауынгерлік даярлыққа басшылық ету жөніндегі лауазымды адамдардың жұмысын ұйымдастыру жүйесі, жауынгерлік және жұмылдыру әзірлігі бағаланады.
Практикалық сабақтар Алматы облысындағы » Іле » оқу полигонында өткізілді. Қорытынды тексеру шеңберінде десантшылар комиссияға атыс даярлығы бойынша сабақтарды, оқу пәндері бойынша даярлықты көрсетті. Штабтың комиссиясы офицерлер мен сержанттар құрамының рота-батальон буынындағы әдістемелік дайындығын бағалады.
Бас штабтың комиссиялары, бас қолбасшылардың басқармалары, өңірлік қолбасшылықтар мен әскер тектерінің қолбасшылары 250-ден астам басқару органдарын, құрамалар мен әскери бөлімдерді тексерді. Жауынгерлік даярлықты ұйымдастыру деңгейінің өскенін, Десанттық-шабуылдау әскерлері қолбасшысының басқармасы басшы құрамының тексеру қорытындысы бойынша жауынгерлік даярлық деңгейі үшін үздік баға алған бағынысты бөлімшелерді оқытуға қатысуын атап өткім келеді, — деп атап өтті Жауынгерлік даярлық департаментінің бастығы полковник Қанат Қазизов.
Тексерушінің айтуынша, десанттық-шабуылдау әскерлерінің жеке құрамы жауынгерлік машиналар мен атыс қаруларының қару-жарағынан бақылау оқу жаттығуларын, жауынгерлік машиналарды жүргізу бойынша сынақ жаттығуларын орындады, өзінің теориялық білім деңгейін көрсете отырып, оқытудың негізгі пәндері бойынша нормативтерді тапсырды. Тексеру нәтижесі бойынша Алматы десанттық-шабуылдау бригадасы «жақсы»деп бағаланды.
Ағымдағы жылдың 5 қазанынан бастап барлық жерде Қарулы Күштердің барлық әскери бөлімдерінде қорытынды тексеру жүргізіліп жатқанын айта кетейік, оның негізгі мақсаты жауынгерлік даярлықтың нақты деңгейін жан-жақты бағалау болып табылады.
Сурет: zakon.kz
