Полиция қызметкерлері Алматы қаласында “Участок” жедел-алдын алу шарасын өткізуде. Бұл туралы Алматы полициясы департаментінің баспасөз қызметі хабарлады.
Полиция қызметкерлерінің айтуынша, жалпы республикалық жедел-профилактикалық іс-шараның басты мақсаты еліміздің азаматтарының қауіпсіздігін қамтамасыз ету, қоғамдық тәртіпті сақтау, сондай-ақ қылмыстарды анықтап,оның жолын кесу болып табылады.
Алматы қаласы полиция департаментінің бастығы Серік Құдебаев: “Халық арасында ішкі істер органдарының абыройы мен беделін арттыруға қол жеткізу, азаматтармен тығыз сенімді қарым-қатынас орнату, сондай-ақ кез келген құқыққа қарсы көріністердің, соның ішінде лаңкестік пен экстремизм фактілерінің алдын алу, анықтау және жолын кесу мақсатында ұйымдастырылды. Қала тұрғындары мен қонақтарын түсіністікпен қарап, барынша көмек көрсетуге шақырамыз,”-деді.
Сонымен қатар, Алматы полиция департаментінің бастығы “Участок” іс-шарасының өткен кезеңінде 370 мың тұрғын үй-жай араланғанын атап өтті.
