7 елден келген армиялық қоян-қолтық ұрыстың үздік өкілдері ТМД чемпионы атағы үшін тартысқа түсті. Армения, Беларусь, Қазақстан, Қырғызстан, Ресей, Тәжікстан және Өзбекстаннан келген 80-нен астам әскери спортшы армиялық қоян-қолтық ұрыс бойынша ТМД чемпионатына қатысты.
Турнир Қазақстанда алғаш рет – Алматыдағы ҚР ҚМ Армия орталық спорт клубының базасында ұйымдастырылды. Әскери спортшылар тоғыз салмақ дәрежесінде өнер көрсетті. Жалпы командалық есепте қазақстандық әскери қызметшілер бірінші орынға ие болды. Қазақстан Қарулы Күштерінің құрамасы үш алтын, бір күміс және үш қола медаль жеңіп алды. Біздің спортшыларымыздың соңынан екінші орынды Ресей әскери қызметшілері, үшінші орынды Өзбекстан командасы иеленді.
Чемпионат барысын бақылап, үздік әскери спортшыларды ҚР Қорғаныс министрінің бірінші орынбасары – ҚР ҚК Бас штабының бастығы генерал-майор Мұрат Бектанов марапаттады. Жарысқа қатысушыларға хабарласып, ол ҚР Тұңғыш Президентінің спортпен шұғылдану арқылы жеңіске деген ерік-жігері, төзімділігі, қойылған мақсаттарға қол жеткізуге ұмтылысы, адамға өмір бойы қажетті маңызды қасиеттер дамитыны туралы сөздерін айтып өтті.
Бұл турнир 2020 жылы Алматыда өтетін ТМД-ға қатысушы мемлекеттердің достастық армияларының ІІІ әскери – спорттық ойындары аясында өтті. Бүгінде армиялық қоян-қолтық ұрыс бүкіл әлемде қарқынды дамып келеді. Оның өсіп келе жатқан танымалдығы қорғау және шабуыл тәсілдерін оқыту жүйесінің әмбебаптығымен түсіндіріледі. Спорт түрі ретінде ол жекпе-жек арсеналынан түрлі функционалды элементтерді біріктіреді. Әскери қоян-қолтық ұрыс тәсілдерін меңгеру әскери қызметшіге қару-жарақсыз Қарулы болуға мүмкіндік береді.
