ҚР Индустрия және инфрақұрылымдық даму министрлігі авиациялық оқиғалар мен инциденттерді тексеру басқармасының басшысы Нұрлан Жұмасұлтанов бейсенбі, 17 қаңтар күні Алматы Алатау шипажайының аумағында тікұшақтың құлауының ықтимал себептерін атады.
Тікұшақ Sky Service әуекомпаниясының меншігінде болды. Құлаудың себептері тікұшақтың ақаулығы, адам факторы немесе ауа райының нашар болуынан мүмкін.
Жұмасұлтанов атап өткендей, апат кезінде сол ауданда қатты тұман болды: көріну 150 метрден аспайды. Сондай-ақ, шенеуніктің айтуынша, айтарлықтай мұз қатқан.
Тікұшақ 16 сағат 8 минутта құлап, құлаудан 3 минут бұрын соңғы рет байланысқа шыққан.
Құлау орнында тексеру жұмыстары жүргізіліп жатыр.
Тікұшақтағы объективті бақылау құралдары ақаусыз болғаны белгілі. Қара жәшікті алғаннан кейін, оның деректерін тәуелсіз ұйымдардың өкілдері айтып түсіндіреді.
Eurocopter 130 маркалы тікұшақ Наурызбай ауданының Таусамалы шағын ауданында 2019 жылы 17 қаңтарда құлады. Ол Боралдай кентіндегі аэродромнан Үлкен Алматы көлі ауданындағы алаңға ұшып бара жатқан. Тікұшақтың бортында, 1968 жылы туған, ұшқыш Валентин Шитов қана болды. Ол жедел жәрдем келгенше көз жұмды.
Сурет: tengrinews.kz
