Қазақстанның оңтүстік астанасында ҚР мен ҚХР бизнесмендерінің форумы өтеді, онда Қазақстан аумағында Қытайдың қатысуымен бірлескен жобаларды дамыту және жаңа кәсіпорындар құру тақырыптары талқыланады. Іс-шара 15 мамырда өтеді. Бұл туралы Сhina.org.cn.қытай басылымы хабарлады.
Іс-шара туралы ҚХР коммерция министрлігінің ресми өкілі Гао Фэн мәлімдеді.
Оның айтуынша, екі елдің серіктестігі бірін-бірі өзар толықтырып, Қазақстан мен Қытайдың стратегиялық қарым-қатынасын жоғары деңгейге көтеруге көмектеседі.
Форумға 400-ге жуық Үкімет мүшелері мен Қазақстан мен Қытай бизнесмендері қатысады. Олар белдеулер мен жолдар құрылысында, ауыл шаруашылығында ынтымақтасудың жаңа мүмкіндіктерін талқылайды. Сондай-ақ, қатысушылар логистиканы және электрондық коммерцияны дамыту тақырыбын қозғамақ.
Елдің бірлескен ынтымақтастығы сәуір айында Қытайда “бір белдеу – бір жол” халықаралық форумында талқыланды. Оған 37 елдің мүшелері қатысты,оның ішінде Қазақстан да болды. Еліміздің Тұңғыш Президенті Нұрсұлтан Назарбаев “Үш Д”жаңа геосаяси шындық құруды ұсынды. Бұл “үш диалогты” орнату қажеттігін білдіреді. Сондай-ақ, Назарбаев Қазақстан алғашқы күннен бастап “Белдеу мен жол” бастамасын қолдайтынын атап өтті.
Рас, барлық сарапшылар мен талдаушылар форумның оң шешім беретіне сенімді емес, тіпті оны қытай капиталының қарқынды дамып келе жатқан факторы деп санайды. Атап айтқанда, Орталық Азия елдерінің интеграциялық үдерістерді талдау орталығының жетекші маманы Ұлықбек Бабағұлов бұл форум Қытай корпорацияларының Қазақстанды белсенді экономикалық игеру бағдарламасының бірі болып табылады деп есептейді.
“Қытайлық шенеуніктер мен ірі корпорациялардың менеджерлері таңдалған бағыт аясында жұмыс істеуде. Өз экономикасының қажеттілігі үшін ауыл шаруашылығы өнімдерін бастапқы қайта өңдеу кәсіпорындарын, көлік тораптарын барынша салуға тырысады, өзінің қаржылық әсерін күшейтеді, “бірлескен кәсіпорындар” құру жолымен жүріп жатыр және тіпті өзінің лас өндірісін әкеледі. Бұл ретте олар “бір белдеу – бір жол” жобасына белсенді қатысатын Қазақстан Үкіметінің министрлерін белсенді пайдаланады. Іс жүзінде бұл капиталдардың экспансиясы ғана емес, сонымен қатар қазақстандық шикізат экономикасы үлкен Қытай нарығына толық байлап қоюды білдіреді. Жұтуды еске салатын,Қазақстанда тыныш интеграция жүріп жатыр”, – деп есептейді Ұ. Бабағұлов.
Сурет: Informburo.kz
