Алматы тұрғыны Ерболат Түркеев Оңтүстік Астанадағы “Тәуелсіздік таңы” монументінің жанына кезекті жеке пикетке шығып, қала әкімі Бақытжан Сағынтаевтың отставкаға кетуін талап етті.
Акция барысында Ерболат Түркеев Сағынтаевты мемлекетке тиесілі жер телімдеріі мен нысандарды сатты деп айыптады, осыған байланысты әкімнің қызметінен кетуін талап етті.
“Алматы әуежайы, спорт нысандары сатылды. Мен осы шешімдермен келіспеймін. Жұртшылық салық төлеушілердің қаражатына салынған нысандардан пайда көрмеді”, – деді Түркеев.
Пикет кезінде белсендіге бірнеше адам келіп, ішкі саясат басқармасының қызметкерлері деп таныстырды, содан кейін оның акциясын заңсыз деп мәлімдеді.
Осындай талаппен белсенді мамыр айының соңында ереуіл өткізген. Ол кезде белсенді Іле-Алатау ұлттық паркін жеке меншікке беруге және Алматы әуежайын сатуға қарсы екенін мәлімдеген. Ол қала әкімі өз міндетін тиісті түрде орындамайды деп санайды, сондықтан да оның отставкаға кетуін талап етті.
