Алматы қаласының полиция қызметкерлері коронавирустың өршуіне байланысты казармалық жағдайға ауыстырылды. Бұл туралы Алматы полициясы департаментінің баспасөз қызметінен хабарлады.
«Қауіпті инфекцияның таралуына жол бермеу үшін қалада карантин режимін жүргізуге байланысты Алматы аумағынан тыс жерлерде тұратын полиция департаменті қызметтері мен бөлімшелерінің қызметкерлері уақытша жатақханаларға орналастырылды. Карантин кезінде қаланың барлық полицейлері қала аумағында казармалық жағдайда болады», — деп атап өтті ведомстводан.
Полиция департаменті бастығының орынбасары Әбдуәли Нашарбековтың айтуынша, Алматыда карантиндік режим енгізілген, «әрбір тұрғын вирустың әлеуетті тасымалдаушысы болуы мүмкін».
«Төтенше жағдай кезінде құқық қорғау жүйесі блогының қызметі күшейтіліп, полицейлердің азаматтармен байланыстары олардың жұмысының ажырамас бөлігі болып табылады. Полиция қызметкерлерінің жұмысының ерекшелігіне байланысты қала ішінде тұратын полиция қызметкерлеріне уақытша баспана беру туралы шешім қабылданды», — деп түсіндірді ол.
Полиция департаментінде полицейлер тұратын жатақханаларда барлық қажетті жағдайлар жасалғанын атап өтті.
«Өмір сүру жағдайына наразылық жоқ, қажеттінің бәрі бар. Егер қажет болса, казармаларда және шатырлы қалашықтарда өмір сүреміз, ең бастысы біздің елімізде тыныш және біздің азаматтарымызға ешнәрсе қауіп төндірмеуі керек», — деп атап өтті метрополитендегі полиция басқармасының өкілі Қуат Байшуақов.
Сурет: kaztag.kz
