Алматыда қорғаныс істері жөніндегі департаментте Қазақстан Қарулы Күштерінің сержанттық және қатардағы құрамдарының келісімшарт бойынша әскери қызметшілерін аттестаттау басталды. Бұл туралы Қазақпарат агенттігі хабарлайды.
Департаментте аттестаттаудың мақсаты әскери қызметшілердің қызметін, олардың кәсіби құзыреттілігін және кәсіби әлеуетін дамытуды жан-жақты бағалау болып табылады.
Әдетте мұндай іс-шаралар үш жылда бір рет өткізіледі.
Аттестаттау барысында әскери қызметшілерге жан-жақты баға беріледі, атқаратын әскери лауазымдарына сәйкестігі және қызметте одан әрі даму перспективасы беріледі.
Аттестаттау барысында көптеген факторлар ескеріледі. Олардың ішінде кәсіби дайындық деңгейі, білімі, жалпы әскери жарғылар мен тәлімгерліктер, атқарып отырған әскери лауазымы бойынша өздерінің әскери міндеттері және оларды орындау.
Аттестаттауды аға командирлер өткізеді. Олар жүргізілетін тексерулердің объективтілігіне, қойылған бағалардың негізділігіне және Бағыныстылардың одан арғы перспективаларын анықтауға дербес жауап береді.
Сурет: mod.gov.kz
