Алматыда Шығыс айналма жолы мен Шухов көшесінің қиылысында жанармай құю станциясы салынуда, бұл жергілікті тұрғындардың алаңдаушылығын тудырады, деп хабарлайды Tengrinews.kz, Алматы телеарнасына сілтеме жасай отырып.
Тұрғындар құрылыс кезінде болатын діріл, үйлерге қатты әсер етіп, олардың үйлері қирауы ықтимал деп санайды. Сондай-ақ, олардың пікірінше, газ құбыры мен электр кабельдері дұрыс тартылмаған, ол төтенше жағдай тудыруы мүмкін.
Ауданның көптен бергі тұрғыны Сергей Терехиннің айтуынша, топырақ тығыздалғанда қатты дірілдеді, үйде жарықтар пайда болып, төбелердің жабындары жарылалы. Құрылыс салдарынан топырақ бүлініп, көктемде сел болған кезде Сергейдің ауласы саз балшыққа толып кетеді.
Нысан пайдалануға беруге дайын, бірақ тұрғындар оның ашылуына қарсы.
«ЖМС тұрғын үйлердің үстінде. Одан шығатын барлық нәрсе төмен қарай кетеді», – деп мәлімдеді Лилия Ракова.
Тексеру барысында нысанның құрылысында қателіктер бар екені анықталды . Мемлекеттік сәулет-құрылыс комитеті оны сот арқылы бұзуға ниетті. Ақпан айында учаскені жалға алу мерзімі өтіп кетті, әкімдік оны ұзартудан бас тартты.
Алматы қала құрылысын бақылау басқармасының құқықтық қамтамасыз ету бөлімінің бастығы Арман Батырханов сәулет-құрылыс қызметі бөлігінде бұзушылықтар анықталғанын, бекітілген жобалық шешімдерден ауытқушылықтар бар екенін түсіндірді.
Сурет: almaty. tv
