Алматы маңындағы Bek Air ұшағының апатқа ұшырауы салдарынан жақын туыстары мен жақындарын жоғалтқан отбасыларына 94 миллион теңге көлемінде ақшалай өтемақы төленді. Бұл туралы Үкімет баспасөз қызметі хабарлады.
“Бүгінгі таңда жергілікті атқарушы органдар материалдық көмек көрсету бойынша жұмыс жүргізді, тұрғылықты жері бойынша 46 жолаушыға 1 миллион теңгеден төленді, сондай – ақ қайтыс болғандардың 12 отбасына төрт миллион теңгеден төленді”, – делінген үкімет сайтында жарияланған депутаттық сауалға берілген жауапта.
Сондай-ақ, құжатта мемлекет барлық зардап шеккендерге материалдық және консультациялық көмек көрсету және рейстері жойылған жолаушыларға билеттерге жұмсалған ақшаны қайтару бойынша барлық мүмкін шараларды қабылдайды делінген.
“Тұтынушылардың құқықтарын қорғау туралы” Заңға сәйкес сауда және интеграция министрлігінің Тұтынушылардың құқықтарын қорғау комитеті авиакомпанияның жойылған рейстерінің жолаушыларына ақша қаражатын қайтару бойынша жолаушылар мүддесінде Нұр-сұлтан қаласының экономикалық сотына талап қойды”, – делінген хабарламада.
Өткен жылдың 27 желтоқсанында Алматы – Нұр-сұлтан бағыты бойынша жүруі тиіс Bek Air әуекомпаниясының ұшағы биіктігінен айырылып, екі қабатты бетон ғимаратын соқты. Нәтижесінде 12 адам қаза тауып, 67 адам зардап шекті.
Сурет: kaznews.kz
