Алмалы ауданында жұма, 18 қаңтар күні полицейлер пәтер ұрлығына қатысы бар үш ер адамды қолға түсірді, деп хабарлайды қалалық полиция департаментінің баспасөз қызметі.
Криминалдық полиция басқармасының бастығы подполковник Есен Ысқақовтың айтуынша, күдіктілер қала орталығындағы пәтерден алтын зергерлік бұйымдар мен ірі ақша ұрлаған. Жедел іс-шаралар нәтижесінде полицейлер олардың автокөліктерін анықтап, оны Тұрғыт Озал және Қарасай батыр көшелерінің қиылысында бұғаттады. Көлікті тексеру кезінде ұрланған заттарды табылды.
Сотқа дейінгі тергеу басталып, тергеу әрекеттері жүргізілуде. Ұрылар уақытша ұстау изоляторына орналастырылды.
Ұсталғандарға байланысты үш ұрлық оқиғасы дәлелденді. Олардың екеуі бұрын мүліктік қылмыстары үшін сотталған.
Сурет: Алматы полиция бөлімінің баспасөз қызметі
