Үлкен шұңқыр Алматыдағы жасанды Сайран көлінің жанында Төле би көшесінің жүру бөлігінде пайда болды. Асфальт құлап, көшенің бір жағында қозғалыс жабылды. Instagram әлеуметтік желісіндегі Алматы жолдар тобында шұңқырды түсірген бейнежазба пайда болды, деп хабарлайды NUR.KZ.
“Алматы жылу желілері” жауапкершілігі шектеулі серіктестігінде опырылған жерді бүгін сағат 20-ға дейін жоюға уәде берді.
Авариялық-қалпына келтіру жұмыстары, “Ария Жаңа Астана” жеке құрылыс ұйымының кепілдік міндеттемелеріне сәйкес жүргізілуде. Ол 2018 жылы осы учаскеде жылу магистралін қайта жаңғыртқан.
Мердігерлер, ауа райы қолайлы болған соң, жолды толық қалпына келтіреді (асфальт төсейді).
Алдын ала мәлімет бойынша, жылу трассасының сильфонды компенсаторының үстінен жабылатын плитаның ығысуынан шұңқыр пайда болды. Құрылыс ұйымына айыппұл салынады.
Сурет: nur.kz
