Алматы қаласы Төтенше жағдайлар департаментінің өкілдері оңтүстік астанада сұйытылған газ қоймасында жарылыс болғанын хабарлады, деп жазады «ҚазТАГ» жаңалықтар ресурсы.
Бұл туралы жедел кезекші азаматтық қорғау майоры Денис Ярцев толығырақ айтып берді. Оның айтуынша, Радужная көшесі 98 мекен-жайында орналасқан қоймада өрт шығып,нәтижесінде өрт көрші газтасығышқа көшті.
Денис Ярцев айтқандай, өрт кезінде газ баллондары жарылған, соның салдарынан сұйытылған газы бар 100 текше цистерна жарылуы мүмкін болды.
Алайда, құтқарушылардың жедел жұмысының арқасында бұл цистернаның жарылыс қаупі жойылды, қазір Алматы қоймасындағы өрт сөндірілді.
«Конструкция мен жанып жатқан баллондарды салқындату жүргізіліп жатыр. 10 негізгі және бес арнайы техника жұмылдырылды. Полиция департаментінің қызметкерлері өрт орнынан автокөліктерді алып шықты. Жеке құрамнан барлығы 58 адамы жұмылдырылды», — деді Денис Ярцев.
Сурет: kaztag.kz
