Алматыда, атап айтқанда, Ресей ынтымақтастығы өкілдігінің виртуалды алаңында “Пушкинді оқимыз” атты шығармашылық байқаудың қорытындысын шығарды, деп хабарлайды Нұр-Сұлтандағы Ресей Ғылым және мәдениет орталығының баспасөз қызметі.
Бұл байқауға қатысу үшін азаматтар орыс ақыны Александр Пушкиннің туындысын оқып, бейне жазып, оны Ресей ынтымақтастығы өкілдігіне жіберу керек болды.
Коронавирус індетінің таралуы жағдайында бұл байқау орыс ақынын құрмет тұтып және оқырманның мәнерлеп оқу талантын көрсетуге тамаша мүмкіндік болып табылады.
Байқауды қорытындылай келе, біздің республикамыздағы Ресей ынтымақтастығы өкілдігі басшысының орынбасары Ирина Переверзева барлық қатысушыларды тамаша өнерімен құттықтады.
Байқау жеңімпаздары Шишацкийлер (“Салтан патша туралы ертегі”), Есиндер (“Поп және оның қызметкері Балда туралы ертегі”) және халық ән театрымен бірге «Салтан патша туралы ертегінің» үзіндісін орындаған Грановтар отбасы болды. Жүлде ретінде олар үй кітапханасын алады.
Нұр-Сұлтандағы Ресей Ғылым және мәдениет орталығы осы байқаудың барлық қатысушылары Александр Пушкиннің шығармаларына сирек кездесетін авторлық иллюстрациялар бейнеленген ашық хаттар мен конверттерде құттықтаулар алады деп ерекше атап өтті.
