Бас Прокурордың бұйрығымен Алматы қаласы прокурорының орынбасары болып Нұрсұлтан Рақышев тағайындалды. Алматы қаласы Медеу ауданының прокуроры қызметіне Асхат Жақыпов тағайындалды. Бұл туралы қала прокуратурасының баспасөз қызметі хабарлады.
Ракишев Қазақ гуманитарлық заң университетінде “Құқықтану”мамандығы бойынша жоғары білім алган. Прокуратура органдарында 2004 жылдан бастап жұмыс істейді.
Өз уақытында Бас прокуратура департаментінің бөлім прокуроры, сондай-ақ басқарманың аға прокуроры және Алматы қаласы прокурорының көмекшісі болып жұмыс істеді.
Одан кейін Бостандық ауданы прокурорының орынбасары, сондай-ақ Жамбыл облысының түзеу мекемелеріндегі заңдылықты қадағалау жөніндегі мамандандырылған прокурор болды, прокурорлық қызметке байланысты басқа да лауазымдарда жұмыс істеді.
2017 жылдың жазынан бастап Ресейдегі ҚР Бас прокуратурасының өкілі болды. Оның прокуратурадағы өтілі 14 жылдан асады.
Асхат Жақыпов-Қазақ мемлекеттік заң университетінің “Құқықтану”мамандығы бойынша түлегі.
1999 жылы өзінің еңбек жолын прокуратура органдарында бастады. Алматы қаласының прокуратурасы жанындағы Құқықтық статистика және ақпарат орталығының жетекші маманы болып жұмыс істеді.
Кейін Медеу, Жетісу аудандары прокурорының көмекшісі және аға көмекшісі болып жұмыс істеді. Содан кейін қалалық прокуратура басқармасының прокуроры болып жұмыс істеді.
2018 жылдан бастап қазіргі уақытқа дейін Алматы прокуратурасы басқармасының бастығы болды. Оның прокуратура органдарындағы өтілі 18 жылдан астам.
