Алматының қадағалау органында полиция қызметкері мен прокуратура қызметкеріне қатысты сыбайлас жемқорлық қылмысын жасады деген күдікпен қылмыстық іс ашылғанын айтты. Бұл туралы “Қазақпарат” ақпарат агенттігі жазды.
Сөз Алмалы аудандық полиция бөлімінің инспекторы мен сол аудандық прокуратура бөлімінің қызметкері туралы болып отыр. Тергеу нұсқасына сәйкес, олар азаматты әкімшілік жауапкершілікке тартпағаны үшін 200 мың теңге көлемінде ақшалай қаражат алған.
Алматы прокуратурасы өкілдерінің айтуынша, қазір полиция қызметкері мен прокурорға қатысты сотқа дейінгі тергеудің барлық қажетті рәсімдері жүргізіліп жатыр, осыған байланысты бұл туралы басқа ақпарат жария етілмейді.
Бұған дейін еліміздің сыбайлас жемқорлыққа қарсы қызметінің қызметкерлері “СК-Фармацияның” бұрынғы басшысын қызметтік өкілеттігін асыра пайдаланды деген күдікпен ұстады деп хабарланған болатын.
Сыбайлас жемқорлыққа қарсы іс-қимыл агенттігінің мәліметінше, қазіргі уақытта “СК-Фармацияның” бұрынғы басшысы Нұр-Сұлтан полиция департаментінің уақытша ұстау изоляторында отыр.
