Алматы қаласында несие амнистиясы, шетелдіктер мен азаматтығы жоқ адамдардың жерді жалға алуына тыйым салу, сондай-ақ қытай экспансиясына қарсы санкцияланған митинг өтіп жатыр. Бұл туралы informburo.kz ақпарат агенттігі жазды .
Наразылық акциясына 350-ге жуық адам жиналғаны хабарланды. Адамдар Шоқан Уәлиханов атындағы саябақ алаңына жиналды.
Митингті ұйымдастырушы, тіркелмеген Демократиялық партияның жетекшісі Жанболат Мамай кредиттік амнистия туралы талапты неге популизм деп санамайтынын айтты.
“Мен ірі банктердің өкілдерімен сөйлестім, несиелік рақымшылық жасау мүмкін бе деп сұрадым. Әрине, банктер үшін бұл тиімсіз. Бірақ экономикалық тұрғыдан жүзеге асыруға болады. 2008 жылдан қазіргі уақытқа дейін банктер мемлекеттен 10 триллионнан астам қаражат алды. Бұл ақша қайда? Неліктен бұл ақшаны қайтармайды?”- деді Мамай.
Ол сондай-ақ Президент әкімшілігінің кеңсесіне несие амнистиясын талап ететін хат пен жүз мыңға жуық өтініш жіберілгенін, бірақ әлі жауап жоқ екенін айтты.
Бұған дейін митинг өткізу қала билігімен келісілгені белгілі болды. Қатысушыларды санитарлық талаптарды қатаң сақтауға шақырды.
Алматы Қоғамдық даму басқармасы басшысының орынбасары Айдар Есенбековтың айтуынша, қатысушылар митингі тақырыбынан бас тартқан,, сондықтан оларға ескерту жасалған.
