Міндетті медициналық сақтандыру қорының баспасөз қызметі ағымдағы жылдың 10 айында Алматы қаласының медициналық ұйымдарында жалпы сомасы 347 миллион теңгені құрайтын бұзушылықтар табылғанын мәлімдеді. Барлық бұзушылықтар қалалық медициналық ұйымдар мемлекеттік тапсырыс бойынша көрсеткен қызметтердің сапасы мен көлеміне мониторинг жүргізу шеңберінде анықталды.
Ең көп бұзушылықтар стационарлық және стационарды алмастыратын көмек көрсетуге мамандандырылған ұйымдар арасында анықталды. Медициналық көмектің осы түрі бойынша ғана 284 миллион теңгеге жуық сомаға алу жүзеге асырылды.
Бұзушылықтардың ең аз саны консультациялық-диагностикалық қызметтерді жеткізушілер арасында тіркелген. Олардың бұзушылықтары 11,7 миллион теңгені құрады. Патологоанатомиялық бюродан, қан және жедел жәрдем орталығынан 11,9 миллион теңге қаражат алынды.
«Мониторинг кезінде табылған негізгі бұзушылықтар-емдеу – диагностикалық іс-шаралар стандарттарынан ауытқулар, медициналық құжаттарды сапасыз жүргізу, медициналық қызметтер құнының негізсіз қымбаттауы және медициналық қызметтер көрсетудің расталмаған фактілері», — деп түсініктеме берді «МӘСҚ» КЕАҚ Алматы филиалының медициналық қызметтер сапасын мониторингілеу бөлімінің басшысы Әсем Манапбаева.
Сурет: ufa.kp.org
