Қазақстан Республикасының оңтүстік астанасында Ұлы Отан соғысы Жеңісінің 75 жылдығына арналған «Біз Жеңіс мұрагерлеріміз» эстафетасының салтанатты ашылу рәсімі өтті.
Эстафетаның басты мақсаты – генерал-майор Иван Панфилов басқарған 316-шы атқыштар дивизиясының ерліктерін еске түсіру. Оны өткізу бастамасы Қазақстанның Ұлттық ұланына тиесілі.
Эстафетаны іске қосу рәсіміне тек Ұлттық ұланның ғана емес, құқық қорғау органдарының, еліміздің шекара қызметі комитетінің өкілдері қатысты. Олар Ұлы Отан соғысында қаза тапқан жауынгерлерді еске алуға жиналды.
Жиналғандар алдында сөйлеген сөзінде Ұлттық ұлан Бас қолбасшысының орынбасары Мұхометқали Сатов эстафета 40 қалада өтетінін, олардың әрқайсысында салтанатты шаралар және ардагерлермен кездесулер өтетіндігін атап өтті.
Мухометкали Сатовтың айтуынша, эстафетаның басты атрибуты – сегізінші гвардиялық атқыштар дивизиясының – бұрынғы 316-шы атқыштар дивизиясының 1941 жылы Алматыда құрылған Жауынгерлік туының көшірмесі.
Бас қолбасшының орынбасары Панфилов дивизиясының туы Қазақстан Республикасы әскери қызметкерлерінің алып жүруімен 40 қаланы өтетінін атап өтті.
Сурет: m.ru.sputniknews.kz
