Алматы қаласының қорғаныс істері жөніндегі департаменті Ұлы Отан соғысы ардагерлері туралы бірыңғай деректер базасын құруға ниетті. Бұл туралы «ҚазАқпарат» жаңалықтар ресурсы хабарлайды.
Мұндай база Ұлы Жеңістің 75 жылдығы аясында Алматы департаменті жасап жатыр. Оны құрудың мақсаты — туғандарына және тарихшыларға соғыс жауынгерлерін іздеуге көмек беру.
Оңтүстік астананың қорғаныс істері жөніндегі департаментінің ведомство қызметкерлері Ұлы Отан соғысы жауынгерлері туралы дербес деректер көрсетілген мыңдаған құжаттарды жинауп, оларды электрондық түрге ауыстырумен айналысып жатқанын хабарлады.
Атап айтқанда, департамент соғысқа шақырылғандардың фотосуреттерін, атаулы тізімдерін, ардагерлердің есеп карточкалары мен әскери билеттерін, қайтарымсыз шығындар тізімін, қаза тапқан және хабар-ошарсыз кеткендер туралы хабарламаларды, сондай-ақ қазақстандық офицерлердің жеке істерін жинауда.
Алматы ведомствосы барлық ақпарат жинақталғаннан кейін, оны Нұр-Сұлтандағы әскери-тарихи музейге жіберетінін айтты.
Ұлы Отан соғысы жылдарында Қазақстаннан майданға 2,2 миллион қазақстандық жіберілді.
