Психикалық денсаулық орталығы базасында қосалқы провизорлық орталық Алматы қаласында ашылды. Бұл туралы қалалық қоғамдық денсаулық сақтау басқармасының баспасөз қызметінен хабарлады.
“Коронавирусқа күдікті науқастар санының артуына байланысты ағымдағы жылдың 30 маусымынан бастап Мақатаев көшесі, 10 мекен-жайында орналасқан “психикалық денсаулық орталығы” ШЖҚ МКК базасында қосымша провизорлық орталық ашылды. Медициналық көмек толық көлемде көрсетіледі”, – деді Алматы Қоғамдық денсаулық басқармасы басшысының орынбасары Жанара Мадеева.
Оның айтуынша, провизорлық орталық өзіне 200 төсек-орынды сыйдырады.
“Бүгінгі таңда провизорлық орталық өкпені жасанды желдету аппараттарымен және оттегі жастықтарымен жабдықталған. Сонымен қатар, медициналық қызметкерлер барлық жеке қорғану құралдарымен және қажетті медициналық дәрі – дәрмектермен жабдықталған”, – деп толықтырды Мадеева.
Ол сондай-ақ әлеуметтік желілерде таратылатын бейнероликтер мен фотосуреттер жөнінде түсініктеме берді, онда азаматтар Мақатаев көшесінде жиналған жедел жәрдем автокөліктеріне шағымданды, олардың айтуынша, тығындау пайда болды.
“Госпиталь тек ашылып, әрбір науқас ауыр халде болғандықтан, медициналық ұйымның мамандары мұқият тексеру жүргізіп, соның нәтижесінде кезек құрылды. Қазіргі уақытта мұндай кезек жоқ”, – деді басқарма басшысының орынбасары.
Сурет: yandex.ua
