Алматы қаласында жаңа коронавирустық инфекциядан туындаған ауруға күдікті азаматтарға арналған жұқпалы госпиталь ашылды. Бұл туралы «Қазақпарат»жаңалықтар ресурсы хабарлайды.
Ашылу салтанатына Алматы әкімі Бақытжан Сағынтаев қатысты.
Бұл ғимарат 280 төсек-орынға есептелген, оның ішінде 28 – і қарқынды терапия бөлімшесі үшін. Медициналық мекеме И. С. Жекенова атындағы қалалық клиникалық жұқпалы аурулар ауруханасының бөлімшесі болып табылады. Филиал басшысы қалалық жедел шұғыл көмек көрсету басшысының орынбасары Мағаз Мұқашев болып табылады.
Жаңа ауруханада 270-ке жуық тәжірибелі маман-медик жұмыс істейтін болады. Бұл жерде тек коронавирусы бар пациенттерді ғана орналастыруға ниетті. Мұндай адамдарды келесі аптадан бастап қабылдай бастайды. Сонымен қатар, өкпені жасанды желдетудің 28 аппараты жеткізіледі деп күтілуде.
Қоғамдық денсаулық басқармасы басшысының орынбасары Әсел Бисенбаеваның айтуынша, оқытылған барлық дәрігерлер ауысым бойынша жұмыс істейтін болады.
«Барлық медперсонал қонақ үйде орналасады. Олар автобуста тасымалданады. Дәрігерлер онда өмір сүреді, таңертең жұмысқа келіп, кешке үйге кетеді. Сондай — ақ барлығы тамақпен қамтамасыз етілген», — деді ол.
Жоба сызбасына сәйкес 280 төсек-орынға арналған госпиталь 28 бір орындық палатадан, бірінші қабаттағы көшеге шығатын 10 бір орындық палатадан, сондай-ақ 28 қарқынды терапия палатасынан тұратын болады.
Бұдан басқа, үш орындық палаталар, қабылдау бөлімі, қабылдау бөлімшесінде 5 бір орындық динамикалық бақылау палаталары, әкімшілік бөлмелер, зертханаға арналған 2 үй-жай, бір жүз адамға тамақ ішуге арналған үй-жай және т. б. бар.
Сурет: lenta.inform.kz
