Алматы қалалық денсаулық сақтау басқармасының басшысы Тілеухан Әбілдаевтің БАҚ өкілдерімен онлайн-кездесуі өтті, оның барысында оңтүстік астанада коронавирусты жұқтырған дәрігерлер саны көбейгенін айтты, деп хабарлайды zakon.kz ақпарат арнасы.
Алматы Қоғамдық денсаулық басқармасының басшысы қаланың тағы 16 медицина қызметкері коронавирус инфекциясын жұқтырғанын айтты. Сонымен қатар, ол барлығы 234 адам жұқтырғанын атап өтті.
Тілеухан Әбілдаев коронавирусты жұқтырғандардың жалпы санынан 193 адам Орталық қалалық клиникалық аурухананың, 31 — балалар қалалық клиникалық жұқпалы аурулар ауруханасының, 2 — №7 аурухананың, 3 — жедел жәрдем қызметінің және 3 — қалалық емхананың қызметкерлері болып табылатынын атап өтті. Қалған екеуі 11-ші және 32-ші емханаларда жұмыс істейді.
Сонымен қатар, оңтүстік астананың қалалық денсаулық сақтау басқармасының мәліметінше, бүгінгі таңда 356 адам Алматының провизорлық госпитальдарында, 422 — карантиндік оқшаулауда және 7992 — үй карантинінде орналасқан.
Соңғы мәліметтерге сәйкес, Алматыда коронавирус ауруының 461 оқиғасы ресми түрде расталды, Қазақстан бойынша олардың жалпы саны — 1480.
Сурет: 365news.biz
