Алматы қаласында коронавирустық инфекцияны анықтау үшін тиімділігі жоғары ПТР-скринингті жүзеге асыру бойынша екі жылжымалы қабылдау пунктінен басқа жетінші зертхана ашылды. Бұл туралы Sputnik Қазақстан Жаңалықтар агенттігі хабарлайды.
Қала әкімдігінде көптеген жағдайда зертханада халықтың әлеуметтік осал топтарына жататын алматылықтарға тегін скрининг жүргізу жоспарланғанын айтты. Атап айтқанда, жұмыссыздар, аз қамтылған және көп балалы отбасы мүшелері, мүмкіндігі шектеулі адамдар, тыныс алу органдарының ауруларымен, сондай-ақ эндокриндік және жүрек-қантамыр жүйесінің ауруларымен тұрақты бақылауда тұрған 50 жастан асқан қалалықтар.
Бұдан басқа, жаңа зертханада тексеру эпидемияға қарсы іс-шараларға қатысатын тұлғаларға жүргізілетін болады. Атап айтқанда, әкімдік өкілдеріне, еріктілер мен белсенділерге, патрульдерге, мектепке дейінгі мекемелердің қызметкерлеріне, сондай-ақ қарттар үйлерінде, Интернаттық және басқа да арнайы мекемелерде тұратын азаматтарға.
«Коронавирустық инфекцияның күрт өршуіне және жаппай жұқтыруына жол бермеу үшін эпидемиологиялық жағдайды бақылауда ұстауға мүмкіндік береді», — деді Алматы қаласының әкімі Бақытжан Сағынтаев.
Сурет: ru.sputniknews.kz
