Қазақстанның оңтүстік астанасында Алматы облысы бойынша инвестиция тарту және инвесторларды қолдау бойынша фронт-офис ашылды,деп хабарлайды Қазақстан Республикасы сыртқы саясат ведомствосының баспасөз қызметі.
Қазақстанның Сыртқы істер министрлігінің ақпараты бойынша, фронт-офис үкіметтің елімізде инвесторлар үшін фронт-кеңселер құру жөніндегі тапсырмасы аясында ашылды.
KAZAKH INVEST басқармасы төрағасының орынбасары Біржан Қанешев бұл фронт-офис «бір терезе» қағидасы бойынша жұмыс істейтінін айтты.
«Фронт-кеңседе жұмыс «бір терезе» қағидаты бойынша құрылған, инвесторлардың мемлекеттік қызметтерді алуға жасалған қолайлы жағдайды ғана емес, сонымен қатар барлық процедуралар қол жетімді және ашық екенін білдіреді, мемлекеттік органдармен өзара тиімді іс-қимыл жасауға мүмкіндік береді», — деді ол.
Сондай-ақ, Біржан Қанешев фронт-кеңседе инвесторлар мен кәсіпкерлерге тоғыз бағыт бойынша қызмет көрсетілетінін атап өтті. Бұл мемлекеттік қызметтерді ұсыну, жобаларды қолдау, маркетингтік және бухгалтерлік қызметтер, мемлекеттік сатып алу бойынша кеңестер, CT KZ сертификациясы, қаржы мекемелері мен даму институттарының көмегі, бизнестің құқықтары мен заңды мүдделерін қорғау, сондай-ақ көші-қон саласымен, кеден және салық қызметтеріне байланысты мәселелерді шешуге жәрдемдесу.
Сурет: Mfa.gov.kz
