Қазақстанның оңтүстік астанасында еуропалық кинематограф кинофестивалі өтеді. Онда беделді халықаралық сыйлықтар иегерлерінің 16 фильмі көрсетіледі.
Аталған фестивальдің салтанатты ашылу рәсімі осы жылдың 5 қарашасында басталып,фестиваль 7 қарашаға дейін болады. Іс-шара аясында еуропалық режиссерлар эксклюзивті шеберлік сыныптары мен баспасөз конференцияларын өткізбек.
Алматыдағы кинофестивальде “Ұсақ фермер”, “Чамбра”, “Үміт кеселі”, “Диамантино”, “Рэй және Лиз”, “Әулие Георгий”, “Шек”, “Қысқы шыбындар” сияқты еуропалық фильмдер көрсетіледі. Олардың барлығы беделді халықаралық киносыйларының иелері.
Бұл фестивальді ұйымдастырушылар, оның ашылу салтанатына Еуропалық Одақтың Қазақстандағы елшісі Свен-Олов Карлссон, Латвиядан келген режиссер Ренарс Вимба және бельгиялық режиссер Каролин Тирион қатысатынын айтады.
