Алматы қаласының тұрғыны Ерболат Түркеев қалалық атқарушы билік органы ғимаратының жанында ереуілге шығып, оңтүстік астана әкімі Бақытжан Сағынтаевтың отставкасын талап етті.
Түркеев Алматы халықаралық әуежайының сатылуына, сондай-ақ Іле-Алатау ұлттық паркінің жеке меншікке берілуіне қарсы екенін мәлімдеді.
Осы себептерге байланысты белсенді қала әкімінің жұмыстан кетуін талап ету үшін Алматы әкімдігінің жанына ереуілге шықты.
«Мен Іле-Алатау ұлттық паркінің жеке қолға берілуіне қарсымын. Мен Алматы әуежайын сатуға қарсымын. Менің ойымша, әкім өз міндеттерін тиісті түрде орындамайды», — деді белсенді.
Алматы қаласының атқарушы билік органының өкілдері белсендімен кездесіп, оның акциясы заңсыз болып табылатынын мәлімдеп, аумақтан ығыстыруға тырысты.
Жалпы алғанда Алматы әкімдігі жанындағы наразылық акциясы екі сағатқа созылып, Ерболат Түркеев үйіне кетті.
Бұған дейін Қазақстандық БАҚ-тарда Іле-Алатау ұлттық паркі жерлерінің едәуір бөлігі 49 жылға жеке компанияның басқаруына берілгені жазылған.
