Еліміздің оңтүстік астанасында қала Күнін атап өтуде. Мереке Тұңғыш Президент саябағында өтіп жатыр.Бұл туралы Алматы қаласы әкімдігінің баспасөз қызметі хабарлады.
Мерекеге орай қалада 60-тан астам салтанатты іс-шаралар, атап айтқанда, жаңа қалалық нысандардың ашылуы, мәдени-бұқаралық және спорттық іс-шаралар, көрмелер, акциялар, түрлі фестивальдер өтеді.
Сондай-ақ, Тұңғыш Президент саябағында “Қаланың Құрметті азаматы” белгісі табыс етілуде. Алматы қаласының әкімі Бақытжан Сағынтаев бұл награданы Nur Otan партиясы төрағасының бірінші орынбасары Бауыржан Байбекке табыс етіп үлгерді.
Естеріңізге сала кетейік, Бауыржан Байбек 2015-2019 жылдар аралығында Алматы қаласының әкімі қызметінде жұмыс істеген.
Сонымен қатар, “Қаланың Құрметті азаматы” белгісін жазушы Әбдіжамал Нұрпейісов, театр және кино актері Юрий Померанцев, сондай-ақ ақын және жазушы Олжас Сүлейменов алды.
Сонымен қатар, Тұңғыш Президент саябағында “Алма fest” дәстүрлі алма фестивалі өтті, ал қалада “Алма Quest” ауқымды квест, “Гәкку дауысы” қазақстандық музыка фестивалі және Almaty Film Festival халықаралық кинофестивалі өтуде.
