Алматы қаласының қадағалау органы мен экономикалық тергеу департаментінің қызметкерлері оңтүстік астанада жалған дәрі-дәрмек дайындайтын астыртын цехты тапты, деп хабарлайды “ҚазТАГ” жаңалықтар ресурсы.
Жедел-іздестіру шаралары кезінде жасырын цех қана емес, күмәнді дәрілік препараттар сақталған қойма да анықталды.
Алматы прокуратурасы мен экономикалық тергеу департаментінің қызметкерлері 100 тоннадан астам қолдан жасалған дәрі-дәрмектерді тауып, оларды тәркіледі. Қаскүнемдер жеңіл табыс табу мақсатында бұл дәрі-дәрмектерді сатуды көздеген.
Оңтүстік астананың қадағалау органы күмәнді медициналық препараттарды қаскүнемдер “Ротацеф”, “Солкосерил”, “Регидрон оптим”, “Кальций-Д3 Никомед”, “Цефамед”, “Цераксон” және “Цефтазидим” сияқты сауда атауларымен сатуды жоспарлағанын түсіндіріп айтты
Сонымен қатар, қазіргі таңда Қазақстан Республикасында қажетті дәрі-дәрмектерді қымбат бағаға сататын теріс пиғылды адамдарды анықтап, оларды жауапкершілікке тарту жұмысы белсенді жүргізілуде.
Сурет: zdorovieinfo.ru
