Алматы энергетика және байланыс университеті Дүниежүзілік банктің грантын жеңіп алды. Бөлінген қаражатқа инновациялық технологиялар әзірленді, соның арқасында электр энергиясының жоғалуы төмендейді,оның нәтижесінде барлық энергетикалық жүйенің ақшалай шығындары қысқарады.
Университетте екі негізгі бағыты бар консорциум құрылды. Біріншісі электр энергиясының шығынын азайтатын болады,ал екіншісі жүйеаралық электр желілерінің тұрақтылығын арттырады.
Университеттің ғылыми инновациялық қызметі жөніндегі проректоры Алмаз Саухимов жоғары оқу орнында электр станцияларының жүйелік күйін зерттеумен айналысатынын айтты.
Консорциумға Қазақстан кәсіпорындарынан басқа, Ресей электр энергетикалық жүйелер институты кіреді.
«Біздің университет Қазақстанда грантқа сатып алынған қазіргі заманғы құрал-жабдықтарды, бағдарламалық құралдарды пайдалана отырып осымен айналысуда, біздің консорциум құруымыз да,оны іске асыруымыз да грант аясында», — деп атап өтті Алмаз Саухимов.
Оның айтуынша, Алматы энергетика және байланыс университеті бұл жобаны коммерциализациялауды жоспарлап отыр және өз шешімдерін біздің елімізде ғана емес, барлық Орталық Азия аймағында ұсынады.
