Алматыда барлық халықаралық әуе рейстеріне санитарлық-карантиндік бақылау күшейтілді. Ол үшін сегіз эпидемиолог бригадасы жұмысқа тартылды, әр топта он адамнан. Сондай-ақ, 30-ға жуық эпидемиолог шетелден келген адамдарды тәулік бойы тексереді. Бұл туралы Алматы қаласы әкімдігінің баспасөз қызметі хабарлады.
“Алматы халықаралық әуежайы республика аумағындағы ең ірі әуежай болып табылады. Күніне 50 рейс келеді, кейде 5 рейске дейін. Барлық жолаушыларды катаралды симптомдарымен анықтаймыз”, – деді Алматы қаласы тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасимова.
Ағымдағы жылдың үшінші ақпанынан бастап Қазақстан Қытайға барлық әуе рейстерін тоқтатады. ҚХР-дан келген барлық ұшақтар жолаушылар мен экипажды бірден тексеретін арнайы қону алаңына келеді. Кейін жолаушылар әуежайдың негізгі терминалымен байланысты емес арнайы аймаққа өтеді.
“Бортта жолаушыларды тексеріп қана қоймай, эпидемиологиялық қолайсыз елдерде болуы туралы анамнез жинаймыз, сауалнама жүргіземіз және барлық рейстер бойынша келгендерге толық көлемде медициналық бақылау жүргіземіз. ДДҰ кеңестеріне сәйкес, анамнез тек Қытайдан ғана емес, сонымен қатар коронавирустық инфекция жағдайлары тіркелген елдерден келген жолаушылардан да жинаймыз”, – деп түсіндірді Молдағасимова.
Ол зертханалық зерттеулер тек катаралды құбылыстар симптомдары болған жағдайда ғана жүргізілетінін атап өтті.
