Алматы әуежайы мемлекет аумағында коронавирустық инфекцияның таралуына қарсы күрес мақсатында барлық халықаралық жолаушылар тасымалын уақытша тоқтатады. Бұл туралы әуежайдың баспасөз қызметі хабарлайды.
Жолаушылар тасымалын тоқтату көліктегі бас санитарлық дәрігердің қаулысына сәйкес енгізілді.
“2020 жылдың 1 сәуірінде сағат 00.00-ден бастап Алматы халықаралық әуежайына барлық халықаралық тұрақты және эвакуациялық жолаушылар авиарейстерінің ұшуы тоқтатылады. 2020 жылдың 1 сәуірінен бастап Алматыда жоспарланған халықаралық жолаушылар авиарейстерінің бағыттарын Қазақстан Республикасы қалаларының басқа халықаралық әуежайларына қайта бағыттау бойынша шаралар қабылданады”, – деп түсіндірді әуежайда.
Бұған дейін “Эйр Астана” әуекомпаниясында Қазақстан азаматтарын басқа мемлекеттерден қайтару бойынша рейстердің тоқтатылғаны туралы мәлімдеген болатын.
Сурет: yandex.uz
