Оңтүстік астананың орталығында көпқабатты тұрғын үй өртенді, 50 адам қауіпсіз жерге көшірілді, деп хабарлайды NUR.KZ сайты, қалалық Төтенше жағдайлар департаменті баспасөз қызметінің басшысы Сандуғаш Баймұхамбетоваға сілтеме жасап.
Өрт Медеу ауданы, Гоголь көшесіндегі үйде болды.
Оқиға туралы 101 нөмірі бойынша сағат 13.38-де хабарлады.Өрт сөндіру қызметі өрт орнына хабарлама алғаннан кейін 6 минутта жетті.
Екінші қабатта орналасқан пәтердің самалдығындағы заттар жанып, өрт пәтерге кірген.
Өрт сөндірушілер 50, оның ішінде 8 кәмелетке толмаған адамды эвакуациялады.
Өрт сағат 14-те жойылды. Өрт алаңы 25 шаршы метрді құрады. Тұрғындар зардап шеккен жоқ.
Сурет: Бейнеден рамкалар
