Қазақстандық БАҚ-тарда Медеу аудандық полиция басқармасы ғимаратының жанында тәртіп сақшылары екі белсендіні құрықтады деп айтылған ақпарат пайда болды.
Бұл туралы кеше оңтүстік астанада өткен митингіге қатысқан белсенді Әсия Төлесова толығырақ айтты.
Ол полиция қызметкерлері кеше митингіге шыққан азаматтарды босатуды талап ету үшін полиция басқармасына келген Бейбарыс Толымбеков пен Марсель Шашаевты ұстағанын айтты.
Сондай-ақ, Әсия Төлесова кеше полиция басқармасында болған кезде полиция қызметкерлері митингіге қатысқан 25-ке жуық адамды алып өткенін көргенін айтты.
Әсия Төлесова сол күні кешкісін құқық қорғау органдарының қызметкерлері ұсталған белсенділердің жартысын, соның ішінде оны босатқанын атап өтті. Ол полицейлерден ұстау туралы хаттаманы талап еткенін, алайда құжат оған берілмегенін айтты.
Кеше Қазақстан Республикасының бірнеше қалаларында, соның ішінде Нұр-Сұлтан және Алматыда Демократиялық партия және елімізде тыйым салынған “Қазақстанның демократиялық таңдауы” ұйымдары жария еткен митингтер өтті.
Қазақстанда карантинге байланысты өткізуге тыйым салынған осындай митингілер барысында ішкі істер органдарының қызметкерлері наразылық акциясына қатысқан жүзден астам адамды ұстады.
