Бүгінгі таңда жол-патрульдік полиция полкінің және мамандандырылған батальонның барлық қызметкерлері 1 423 бейнетіркегішпен жабдықталған, деп хабарлайды bnews.kz.
“Автонавигатор” жүйесі қаланың электронды картасы іспетті, онда патруль көліктерінің қандай бағыттар бойынша жүретіні көрінеді.
“Бейнетіркегіштің болуы жүргізушінің де, қызметкердің де тәртіпті, ал ондағы жазба – жасалған құқық бұзушылықтың даусыз дәлелі немесе полиция қызметкерінің заңсыз әрекеттерінің дәлелі болып табылады. Полиция қызметкерлері бейнетіркегіштерді пайдаланған кезде бақылауды қамтамасыз ету мақсатында жүйелі негізде тексерушілердің 5 тобы құрылды,олар күнделікті қызметкерлердің бейнетіркегіштерінің жазбаларына мониторинг жүргізеді. Әрбір анықталған тәртіп бұзушылық бойынша қызметтік тексерулер жүргізіледі, шаралар қабылданады және әр апта сайын оларды ЖБШ және ЖПП СБ жеке құрамы тексереді. 2018 жылы тексерушілер мобильді бейнетіркеуіштерді пайдалануды бұзудың 6 мыңнан астам фактілерін анықтады:оларды өшіру, қызмет атқару кезінде аз жазба, дыбысты өшіру. Жол берген өрескел бұзушылықтары үшін 592 қызметкер тәртіптік жауапкершілікке тартылды”, – деп нақтылады Алматы полициясының басшысы полиция генерал-майоры Серік Құдебаев.
Маршруттардан ауытқуға жол бермеу,полицияның кешенді күштері мен учаскелік полиция экипаждарын күн сайын бақылау, ПКК нарядтарының және учаскелік инспекторлардың қозғалысын қадағалау үшін қаланың электронды картасы болып табылатын “Автонавигатор” автоматтандырылған жүйесі енгізілді.
Сурет: inform.kz
