Алматы қаласы Жетісу ауданында үстіміздегі жылдың 5-7 тамыз аралығында полиция айыппұл төлемейтіндерді анықтауға бағытталған «Борышкер» жедел алдын алу іс-шарасын өткізеді.
Іс-шараның басты мақсаты «мүлдем төзбеушілік» принципін қамтамасыз ету, заң бұзушылық кезінде жазаны болдырмау және әкімшілік айыппұлдарды өндіріп алудың тиімділігін арттыру болып табылады.
«Атап айтқанда, Жетісу ауданының ішкі істер басқармасы Көлік құралдарын бақылаудың автоматты жүйесін, электрондық планшеттерді пайдалана отырып, әкімшілік айыппұл бойынша борышкерлерді анықтау бойынша жұмыс жүргізуде. Автокөліктердің қарқынды ағыны орындарында жұмыс істеуге әкімшілік полиция мамандандырылған батальоны мен жол-патрульдік полиция полкінің автоэкипаждары жұмылдырылған. Сонымен қатар, кейбір жол учаскелерінде «ПОТОК-М» мобильді кешендері орнатылған, олар салынған әкімшілік айыппұл бойынша қарызы бар борышкерлерді автоматты түрде есептеп шығарады», — деді Жетісу аудандық полиция басқармасының бастығы полковник Дархан Мұсанов.
Сондай-ақ, қала полициясы көлік жүргізушілерін айыппұлдың тұрақсыздығына жол бермеу үшін барлық айыппұлдарды уақытында төлеуге шақырды.
«Айыппұлдарды келесі тәсілдермен тексеруге және төлеуге болады: электрондық үкімет порталы арқылы egov.kz сондай-ақ Екінші деңгейдегі банктердің кассалық бөлімшелерінде және банктердің интернет-сайтында. Айта кетерлігі, смартфондар арқылы екінші деңгейлі банктердің қосымшасы арқылы айыппұл төлеу мүмкіндігі берілген», — деді полковник Мұсанов.
