Алматылық патрульдік және учаскелік инспекторлар карантин жағдайында қосымша нұсқамадан өтеді. Бұл туралы ҚР Ішкі істер министрлігінің баспасөз қызметі хабарлады.
Карантиндік іс-шараларға тартылған жеке құраммен қосымша сабақтарды полиция бөлімшелерінің басшылары және саптық бөлімшелердің командирлері өткізеді.
“Еліміздің тарихында бұрын төтенше жағдай мен карантин болған жоқ. Сондықтан бүгінгі күні бүкіл қоғам өмірдің жаңа жағдайларына үйренуі керек. Қаладағы құқық тәртібін қамтамасыз ететін полицейлердің қызмет атқару тетігі де өзгерді: патрульдік полиция, учаскелік инспекторлар, ювеналдық полиция және басқа да берілген күштер. Қазіргі уақытта аталған қызметкерлер қала шегіндегі қоршау бекеттерінің жұмысына, сондай-ақ жаяу патрульдеу жұмыстарына жұмылдырылған. Сондықтан бірінші кезекте осы қызметтердің өкілдері жедел нұсқамадан өтті. Олардың қатысуымен Біз тәжірибеде жиі кездесетін жағдайларды қайта құрып, осы кейстерді ұсындық: қалада жүріп – тұру үшін көлік құралын қалай тексеру керек, балалар аулада ойнайтын ата-аналар арасында алдын алу жұмыстарын қалай жүргізу керек, азаматтардың төтенше жағдай режимін бұзғаны және полиция қызметкерлерінің талаптарына бағынбағаны үшін заңда көзделген жауапкершілік туралы ескертулері керек”, – деп атап өтті Алматы полициясы департаменті жергілікті полиция қызметі басқармасының бастығы Манап Саттаров.
Оқыту екі ауысымда өтеді. Мұндай әдіс полицейлердің кәсібилігін арттыруға, сондай-ақ олардың алдына қойылған міндеттерді орындауға мүмкіндік береді.
