Алматы облысының әкімі Амандық Баталов коронавирустық инфекциядан ем қабылдап, ауруханадан кетті. Ол жақын арада тағы да жұмысқа кірісетінін айтты. Бұл туралы облыс әкімі Instagram әлеуметтік желісіндегі ресми парақшасында мәлімдеді.
“Бірінші кезекте менің жерлестерім-жетісулықтарға, достарыма, туған-туысқандарыма үлкен алғысымды білдіргім келеді. Дәрігерлерге олардың жанқиярлық еңбегі үшін жеке рахмет. Көптеген адамдардың өмірі олардың іс-әрекеттеріне байланысты. Енді мен пандемияны жеңу үшін жұмысқа кірісемін”, – деп жазды ол.
Сондай-ақ, Баталов облыс тұрғындарына өздерін сақтап, барлық санитарлық-эпидемиологиялық нормаларды сақтауды өтінді.
Өткен айдың соңында әкім өзінің ауруы туралы хабарлады. Инфекция салдарынан Баталовтың денсаулығының нашарлауына байланысты ол Талдықорған қаласынан «Нұр-Сұлтан» кардиологиялық орталығына ауыстырылды.
