Бүгін Қазақстанның курорттық аймақтарына баратын шетел азаматтарымен жұмысты жақсарту үшін Алматы облысында туристік полиция бөлімшелері енгізілгені белгілі болды.
«Туристік полиция құрамына мұқият іріктеуден өткен қызметкерлер кірді, оның негізіне шет тілдерін жақсы білу, біздің еліміздің заңнамасы мен тарихын білу, коммуникабельділік пен жеделдік салынған. Олардың әрқайсысы ағылшын, орыс, сондай-ақ мемлекеттік тілдерін еркін меңгерген. Сонымен қатар, біздің өңірдің ҚХР-ға шекаралас екенін ескере отырып, бөлімше инспекторларының бірі қытай тілін еркін меңгерген. Қызметкерлер кеуде бейнетіркегіштермен, радиостанциялармен, планшеттермен, нысанды кеудешелермен және басқа да қажетті құралдармен жабдықталған. Бөлімшеге сондай — ақ автокөлік бөлінді»,-деп хабарлады Алматы облысы полиция департаментінің баспасөз қызметі.
Естеріңізге сала кетейік, туристік полиция міндетіне шетелдік азаматтарға кеңес беру, сондай-ақ Қазақстан Республикасында болған кезде олардың қауіпсіздігін қамтамасыз ету кіреді.
«Туристік полиция Алакөл ауданында жұмыс істей бастады, онда қажетті кеңсе жиһазымен, техникамен және байланыс құралдарымен жабдықталған ақпараттық жүйелері бар арнайы стационарлық бекет бар. Ауданда демалыс аймақтары (Алакөл көлдерінің бассейні) орналасқан. Айта кету керек, аймақта шетелдік туристер баратын басқа да нысандар бар», — деп мәлімдеді полиция департаменті.
Сурет: inozpress.kg
