Алматы облысында “Еңбек” және “Жұмыспен қамтудың жол картасы” мемлекеттік бағдарламаларын іске асыру кезінде 37 млрд теңгеге бұзушылықтар анықталды.
Оның 830 млн теңгесі қаржылық бұзушылықтардан тұрады, ал 35 миллиардтан астамы тиімсіз пайдаланылған. Мысалы, Қарасай, Іле, Жамбыл аудандарында мектеп салуға қаражат бөлінді. Ал, нысандарға тіпті жобалық-сметалық құжаттама да дайындалмаған. Сондай-ақ, өңірде жабындарды жаңартуды қажет етпейтін автожолдар жөнделді. Барлық тіркелген фактілер құқық қорғау органдарына берілді.
Алматы облысы бойынша Тексеру комиссиясының мүшесі Бақытжан Мұхаметжанов: – уәкілетті органдардың аудиторлық тексерулері нәтижесінде 10-нан астам адам әкімшілік жауапкершілікке тартылды. Бұл бағыттағы жұмыстар жалғасуда. Бүгінгі күні бюджет қаражатын жұмсаудың жүйелі және кешенді мониторингі жүргізілуде.
