Елімізде коронавирус инфекциясын жұқтырудың жаңа жағдайлары тіркелді, деп хабарлайды zakon.kz ақпараттық агенттігі.
Коронавирус ауруының жаңа жағдайы Алматы облысы Қарасай ауданында анықталды.
Бүгінгі таңда Қазақстан Республикасында қауіпті вирусты жұқтырудың 53 жағдайы ресми түрде тіркелді. Атап айтқанда, 28 оқиға Нұр-Сұлтанда, 22 – Алматыда, 2 – Қарағандыда және біреуі Алматы облысында анықталды.
Біздің еліміздің басқа өңірлерінде коронавирус ауруы тіркелген жоқ, бұған жол бермеу үшін барлық шаралар қабылдануда.
Қазір Қазақстанда коронавирустың таралуының қиын жағдайына байланысты Мемлекет басшысы Қасым-Жомарт Тоқаевтың тапсырмасы бойынша енгізілген төтенше жағдай режимі жұмыс істеуде.
Осы режимге байланысты Қазақстан министрлер кабинеті тәулік бойы жұмыс режиміне көшті. Енді қазақстандықтардың өмірі мен денсаулығын қорғауға қатысты барлық шешімдер 2-3 күн ішінде қабылданады.
