Алматы облысы Жамбыл ауданының жаңа ауруханасында ерекше қажеттіліктері бар балаларға арналған оңалту орталығын ашу жоспарлануда.
Жобаны жүзеге асырумен біздің еліміздің Тұңғыш Президенті Нұрсұлтан Назарбаевтың қоры айналысады. Қор өкілдері оңалту орталығын ашу үшін қажетті орынды анықтауға Жамбыл ауданының ауруханасына барып үлгерді.
Сондай-ақ, Елбасы Қорының қызметкерлері Алматы облысының басшылығымен кездесіп, оңалтуға мұқтаж ауылдық жерлердегі балалардың қажеттілігін талқылады.
Орталық жылына 600-ге жуық баланы тегін қабылдайды деп жоспарлануда. Айта кету керек, бүгінгі таңда осындай орталықтар еліміздің сегіз өңірінде жұмыс істейді. Олар да Тұңғыш Президент Қорының қолдауымен ашылды.
