Алматы облысында адасқан екі жігітті іздеу сәтті аяқталды,деп хабарлайды облыстық Төтенше жағдайлар департаментінің баспасөз қызметі.
4 сәуірде сағат 10 шамасында жастар Қапшағай-Ақши жолында досының автокөлігінен шығып, саңырауқұлақтар жинауға кірісті. Біраз уақыттан кейін жаңбыр жауып, жігіттер жергілікті жер бағдарынан айырылып, адасып қалды.
Түнде олар Сорбұлақ тұндырғышына дейін жетті. 22 сағат шамасында достары 112 нөміріне қоңырау шалды.
22 сағат 35 минутта Іле ауданындағы Сорбұлақ ауданында Қапшағай құтқарушылары саңырауқұлақ жинаушыларды іздей бастады.
5 сәуірде сағат 2 шамасында саңырауқұлаққа шыққандар Қапшағай қаласына жеткізілді.
Іздестіру жұмыстарына облыстық Төтенше жағдайлар департаментінің үш құтқарушысы мен бір техника бірлігі қатысты.
Сурет: Баспасөз қызметі
