Жастар жылында штаттық психологтардың жұмысы туралы шешім қабылданды, деп хабарлайды 24.kz.
Психолог қиын өмірлік жағдайға тап болған адамдарға психологиялық көмек көрсететін болады. Ажырасу алдында тұрған жас жұбайлардың мәселесімен айналысады.
Сонымен қатар, психологтардың міндетіне түрлі әлеуметтік зерттеулер жүргізу кіреді. Бірінші облыстық форум жастар мен балалар арасында суицидтің алдын алуға арналды.
Жомарт Қаратас, облыстық жастар саясаты мәселелері басқармасының басшысы: «Тәжірибе алмасу үшін еліміздің басқа аймақтарындағы және шетелдердегі әріптестермен байланыс орнату өте маңызды. Үйлестіру орталықтары мен жас адамдар өз проблемалары жөнінде хабарласа алатын психологтардың жедел желілерін ашуды жоспарлап отырмыз»- деді.
Сурет: inform.kz
