Алматы қаласы қоғамдық денсаулық басқармасының басшысы Қанат Тосекбаев денсаулық айлығының ағымдағы нәтижелерімен бөлісті. Бұл туралы Алматы қаласының баспасөз қызметі хабарлады.
Айлық ағымдағы жылдың тамыз айында қала әкімі Бақтыжан Сағынтаевтың тапсырмасы бойынша азаматтарға мобильді медициналық топтар арқылы сапалы медициналық қызмет көрсетуге қол жеткізуді қамтамасыз ету мақсатында өткізілді.
Осындай іс-шараның басты мақсаты Алматы тұрғындарының денсаулығын сақтау және медициналық қызметпен қамтамасыз ету болып табылады.
Іс-шараның негізгі екпіні тұрғындардың уақытында медициналық көмек алуы қиын өңірлерге қойылады.
Барлық жылжымалы кешендер жаңа жабдықтармен жабдықталған. Бүгінгі таңда жылжымалы медициналық орталықтар 20 елді мекенде болып, қызметкерлер 5 мыңнан астам адамды қарады.
Сурет: Inform.kz
