Оңтүстік Корея дәрігерлері ірі қазақстандық медициналық жоғары оқу орнында сабақ беретін болады, деп хабарлайды “Хабар 24” телеарнасының тілшісі.
Бұл туралы Сеулде екі Республика өкілдерінің қатысуымен өткен форумда келісімге қол жеткізілді. Атап айтқанда, Асфендияров атындағы ҚазҰМУ-да оңалту кафедрасын ашу мәселесі қарастырылуда. ЖОО проректоры Бауыржан Жүсіпов жаңа кафедрада Корей дәстүрлі медицина негіздерін оқыту жоспарланғанын хабарлады. Жүсіповтың айтуынша, Қазақстанда оңтүстік кореялық тәжірибені зерделегеннен кейін, медуниверситетті студенттерді оқытып қана қоймай, пациенттерді емдеп, ғылыми зерттеулер жүргізетін ірі кешенге айналдыру жоспарланып отыр. 2018 жылы Үкімет қаулысы шықты, оған сәйкес ҚазҰМУ-ға 5 ғылыми орталық қосылды. Бұл онкология және радиология, кардиология және ішкі аурулар ғылыми-зерттеу институттары, акушерлік, гинекология және перинатология, Педиатрия және балалар хирургиясы ғылыми орталықтары, сондай-ақ Сызғанов атындағы хирургия орталығы. Сонымен қатар медуниверситетте клиника салынады. Оның құрылысына Оңтүстік Кореяның кәсіпкерлері қатысуға ниетті.
ҚазҰМУ проректоры бір жерде орналасқан ауруханаларды басқару оңай деп санайды. Ол келесі қадам үлкен университет клиникасының құрылысы болуы керек деп болжайды. Қазіргі уақытта Оңтүстік Кореяның серіктестерімен оңалту кафедрасын құру туралы келіссөздер жүргізілуде.
Сурет: Хабар24
